TN Plus2 Exam News | தேர்வர்களுக்கு கடும் எச்சரிக்கை
TN Plus2 Exam News
பிளஸ் 2 மாணவ, மாணவர்களுக்கான பொது தேர்வுகள் தமிழகம் மற்றும் புதுச்சேரியில் இன்று தொடங்குகின்றன. இந்த தேர்வுகளை தமிழக மற்றும் புதுச்சேரியிலிருந்து 8,51,303 பேர் எழுதுகிறார்கள். இரு மாநிலங்களிலும் 3235 மையங்களில் தேர்வுகள் நடக்கின்றன. தேர்வுகளில் முறைகேடுகளை தடுப்பதற்காக 3,100 பறக்கும் படைகள் அமைக்கப்பட்டிருக்கின்றன. ஆள் மாறாட்டம் செய்தால் தேர்வு எழுத வாழ்நாள் தடை விதிக்கப்படும் என்றும் காபி அடித்தால் மாணவரின் தேர்வு ரத்து செய்வதோடு ஓராண்டு தேர்வு எழுத தடை விதிக்கப்படும் என்றும் அறிவிக்கப்பட்டுள்ளது. ஒழுங்கீன செயல்களுக்கு உடந்தையாக இருந்தால் அல்லது ஊக்கப்படுத்தினால் பள்ளியின் அங்கீகாரம் ரத்து செய்யப்படும் எனவும் தேர்வு துறை எச்சரிக்கை விடுத்துள்ளது.